Bordi i Drejtorëve

Z. Seyhan Pencablıgil, i laureuar si B.A. në Administrim Biznesi dhe si M.A. në Menaxhim të Përgjithshëm nga Universiteti i Bosforit në Turqi dhe M.Sc. në Financë nga Universiteti i Lancaster në Mbretërinë e Bashkuar, është një bankier me përvojë, me një eksperiencë të gjatë si drejtues. Ai ka kryer studimet e doktoraturës për Filozofi pranë Universitetit të Sofies në Bullgari. Z. Pencablıgil ka punuar në pozicione të ndryshme në Kentbank, si Nëndrejtor i Përgjithshëm për Depozitat-Thesarin dhe Nëndrejtor i Përgjithshëm për Bankingun Ndërkombëtar. Z. Pencablıgil është Drejtor i Përgjithshëm dhe Anëtar Bordi i BKT-ës që prej Tetorit të vitit 2000, Kryetar Nderi i Komitetit Kombëtar në Dhomën Ndëkombëtare të Tregtisë – ICC Albania, Kryetar i “Albania Leasing Sh.a.”, Kryetar i Dhomës Shqiptaro – Turke të Tregtisë dhe Industrisë dhe Anëtar Alternativ i Bordit të Drejtorëve të Institutit Botëror të Bankave të Kursimit (WSBI). Në të kaluarën Z. Pencablıgil ka mbajtur pozicione të tjera si Kryetar i Shoqatës Shqiptare të Bankave dhe Anëtar i Bordi i Agjencisë Shqiptare të Zhvillimit të Investimeve (AIDA). Në vitin 2012, Z. Pencablıgil është zgjedhur si “Drejtori i Përgjithshëm i Vitit në Europë” nga revista prestigjioze “EMEA Finance”. Ndërsa së fundmi është nderuar me titullin “Doctor Honoris Causa” nga Universiteti “Aleksandër Moisiu”.

Z. Galip Tözge është laureuar nga Departamenti i Ekonomiksit në Universitetin e Marmarasë dhe ka kryer MBA në Universitetin e Misurit në SHBA. Z. Tözge e ka filluar karrierën e tij bankare në vitin 1993 pranë Citibank dhe më pas në vitin 2002 i është bashkuar “Akbank T.A.Ş.”. Ai ka punuar për 12 vjet në Akbank dhe për kompani të tjera të zotëruara nga Akbank duke shërbyer në poste drejtuese kryesore të ndryshme, përfshirë këtu edhe si Zëvendës Drejtor i Përgjithshëm i Akbank dhe Anëtar Bordi i “Ak Portföy Yönetimi A.Ş.” dhe “Ak Yatırım Menkul Değerler A.Ş.”. Në vitin 2015, ai u emërua Drejtor i Përgjithshëm i “Aktif Yatırım Bankası A.Ş.” dhe aktualisht shërben edhe si President i Grupit të Bankingut të “Çalık Holding A.Ş.”. Z. Tözge iu bashkua Bordit të Drejtorëve të BKT-ës në Shkurt 2017.

Z. Mert Turgut Çalık u diplomua në Departamentin e Menaxhimit të Marketingut në Universitetin e Westminster në Londër, Mbretëria e Bashkuar, në Korrik 2019. Në Qershor 2015, Z. Çalık përfundoi Kursin e Themelimit të Bizneseve në Bellerbys College, në Londër, Mbretëria e Bashkuar. Ai filloi karrierën e tij profesionale që nga viti 2011, duke punuar në role të ndryshme për Gap Construction (Gap İnşaat) në Projektin “Metropol Instanbul”, Çalık Holding në departamentet e Financave dhe Kontrollit dhe GRUPM në Departamentin e Marketingut. Z. Çalık shërben si ekspert financiar në Gap Southeast Textiles (Çalık Denim Tekstil) që nga viti 2012, ndërsa ai është Nënkryetar i MTH Technologies. Në vitin 2019, ai u emërua si Anëtar i Bordit në Secom Turkey dhe E-Kent, ndërsa në Qershor 2020 ai iu bashkua Bordit të Drejtorëve të BKT Kosova.

Znj. Buxhovi Ahmetaj ka diplomuar në Menaxhim Biznesi në Prishtinë dhe ka përfunduar studimet master në Lidership në Universitetin e Liverpool-it, në Mbretërinë e Bashkuar. Ajo e ka filluar karrierën e saj profesionale në menaxhim biznesi në Londër dhe e ka nisur karrierën bankare në vitin 2005 në Raiffeisen Bank Kosovë.

Në vitin 2008, ajo iu bashkua Bankës Kombëtare Tregtare Kosovë, ku ka mbajtur pozita të ndryshme të menaxhmentit të lartë, përfshirë Drejtuese e Rrjetit të Degëve dhe Drejtuese e Menaxhimit të  Produkteve të Pasivit dhe Komunikimit të Korporatës. Në vitin 2019, ajo mori rolin e Drejtueses së Grupit të Bankingut Individual.

Znj. Buxhovi Ahmetaj është emëruar anëtare e Bordit të Drejtorëve të BKT Kosovës në prill 2026.

Alper Hakan Yüksel u diplomua në Departamentin e Inxhinierisë Industriale në Universitetin Teknik të Lindjes së Mesme (METU) në Turqi, në vitin 1991. Ai e pasuroi formimin e tij akademik me një titull MBA nga Universiteti Işık (2015) dhe ka përfunduar Programin e Lidershipit në Harvard Business School – John F. Kennedy School of Government (2010).

Karrierën bankare e nisi në vitin 1991 në Interbank Turqi. Pas përfundimit të Programit për Trajnimin e Menaxherëve (Management Trainee), ai shërbeu si Menaxher i Llogarive deri në vitin 1993, duke menaxhuar një portofol të rëndësishëm klientësh korporativë.

Në vitin 1993, Z. Yüksel iu bashkua Citibank Turqi si Menaxher i Marrëdhënieve (Relationship Manager), pozitë të cilën e mbajti deri në vitin 2000. Gjatë kësaj periudhe, ai u fokusua në zhvillimin e zgjidhjeve bankare të personalizuara për nevojat financiare të korporatave. Eksperienca e tij ndërkombëtare u konsolidua ndërmjet viteve 2000 dhe 2002, kur shërbeu si Drejtues i Bankingut të Korporatave në Citibank Bullgari, duke udhëhequr ngritjen dhe menaxhimin e aktiviteteve të bankës në këtë shtet. Pas rikthimit në Turqi, nga viti 2002 deri në 2008, ai mbajti pozita të larta drejtuese në Citibank, duke udhëhequr transaksione financiare komplekse dhe duke zgjeruar praninë e bankës në treg.

Në vitin 2008, ai u emërua Drejtues i Bankingut Komercial për vendet e Këshillit të Bashkëpunimit të Gjirit (GCC) në Barclays Bank, me seli në Emiratet e Bashkuara Arabe. Në këtë rol, ai ishte përgjegjës për bankingun e korporatave, institucionet financiare dhe sektorin e Ndërmarrjeve të Vogla dhe të Mesme (NVM) në të gjithë rajonin e Gjirit deri në vitin 2011.

Rrugëtimi i tij vijoi në Akbank Turqi (2011–2015), ku shërbeu si Drejtues i Bankingut të Korporatave dhe Investimeve. Përveç aktiviteteve ekzekutive, ai mbajti role në borde drejtuese dhe mbikëqyri filialet e huaja të bankës në Gjermani dhe Emiratet e Bashkuara Arabe.

Yavuz Yumrukuz u diplomua në Departamentin e Ekonomisë (në gjuhën angleze) të Universitetit Marmara në vitin 2004. Ai përfundoi studimet master në ekonomi në Universitetin Galatasaray në vitin 2015 dhe studimet master në Financë në Universitetin e Illinois (UIUC), SHBA, në vitin 2017. Në vitin 2022, ai mori titullin Doktor i Shkencave (Ph.D.) në Ekonomi (në gjuhën angleze) nga Universiteti Marmara.

Yumrukuz e filloi karrierën e tij në Ministrinë Turke të Punës dhe Sigurimeve Shoqërore, ku punoi nga viti 2005 deri në vitin 2006. Ndërmjet viteve 2006 dhe 2016, ai shërbeu si “Inspektor Bankar” në Autoritetin e Rregullimit dhe Mbikëqyrjes Bankare (BRSA), duke punuar në departamentet e mbikëqyrjes dhe menaxhimit të rrezikut, ku kreu inspektime në terren në një numër të madh bankash.

Brenda të njëjtit institucion, ai mbajti pozitën e Drejtuesit të Grupit të Mbikëqyrjes (2016–2020), Drejtuesit të Departamentit për Mbrojtjen e Konsumatorëve Financiarë (2020–2022), Drejtuesit të Departamentit të Mbikëqyrjes (2022–2024) dhe Nënkryetarit përgjegjës për mbikëqyrjen e bankave dhe institucioneve financiare jobankare (2024–2026).

Gjatë roleve të tij drejtuese në BRSA, ai përfaqësoi Turqinë si anëtar i Grupit për Bashkëpunim Mbikëqyrës (SCG) të Komitetit të Bazelit, kryesoi Grupin për Menaxhimin dhe Zgjidhjen e Krizave të Komitetit Turk për Stabilitet Financiar, shërbeu si anëtar i Bordit Koordinues të MASAK-ut (autoriteti i Turqisë për luftimin e pastrimit të parave dhe financimit të terrorizmit) dhe veproi si Kryetar i Komitetit të Arbitrazhit për Klientët Individualë të Shoqatës së Bankave të Turqisë (TBB) dhe Shoqatës së Bankave Pjesëmarrëse të Turqisë (TKBB). Gjithashtu, ai ka ligjëruar në Universitetin Marmara dhe Universitetin Istanbul Medipol.

Që nga marsi i vitit 2026, z. Yavuz Yumrukuz është emëruar Anëtar i Bordit të Drejtorëve të Aktif Bank, ndërsa që nga qershori i vitit 2026, ai është emëruar Anëtar i Bordit të Drejtorëve të BKT Kosova.

Z. Suat Bakkal ka diplomuar dhe ka magjistruar në Universitetin Bogazici në Turqi dhe ka një përvojë të gjatë në sektorin bankar. Eksperiencën e tij e filloi në vitin 2008, si Menaxher i Marketingut të Korporatave në Aktif Bank. Nga viti 2013 deri në vitin 2014, u emërua në pozitën e Menaxherit të Bankingut të Korporatave, ndërsa nga viti 2014 deri në vitin 2015 ai u emërua në pozitën Menaxher i Degës Kryesore të Aktif Bank. Nga viti 2015 deri në vitin 2018, Z. Bakkal u emërua në detyrën e Drejtuesit të Marketingut të Korporatave. Ndërsa nga viti 2017 deri në vitin 2018, u emërua anëtar i Bordit të Inovaban – Konsulence Financiare dhe Inovative A.S. Në vitin 2018, ai u emërua në pozitën e Kryeshefit Ekzekutiv në BKT Kosova SH.A., dhe poashtu Anëtar Bordi. Aktualisht Z. Bakkal është Kryetar i Bordit të Drejtorëve në Aktif Asset Management në Turqi.

Z. Mehmet Usta ka lindur në vitin 1950 dhe është diplomuar në Departamentin e Ekonomisë dhe Financës pranë Akademisë së Shkencave Ekonomike dhe Tregtare të Eskişehir-it. Ai ka një përvojë të gjatë pune 40 vjeçare në sektorin bankar. Pas eksperiencës së tij si auditor i brendshëm dhe drejtues në Anadolu Bank gjatë viteve 1979 – 1987, ai ka mbajtur pozicione të larta drejtuese pranë Emlak Bank si në Turqi ashtu edhe jashtë vendit gjatë viteve 1987- 1994. Më pas, gjatë periudhës 1994 – 2007 ka mbajtur postin e Drejtorit të Përgjithshëm dhe anëtarit të Bordit pranë Banque du Bosphore me qendër në Paris. Në prill të vitit 2008 Z. Usta u bë pjesë e AktifBank si nënkryetar i Bordit Drejtues. Që nga korrik i vitit 2009 dhe në vazhdim, Z. Usta gjithashtu mban pozicionin e Kryetarit të Bordit Drejtues të BKT, një njësi në varësi të Çalık Holding me veprimtari në Shqipëri. Ai ka qenë Kryetari i Bordit Drejtues të BKT Kosovë gjatë periudhës Maj 2018-Prill 2022.
Z. Usta ka qenë Anëtar i Bordit Drejtues pranë Institutit Botëror të Bankave të Kursimit (World Savings Banks Institute, WSBI) me seli në Bruksel që nga maji i vitit 2012 deri në dhjetor 2023. Që prej marsit 2015 dhe në vazhdim, Z. Usta ushtron postin e Kryetarit të Bordit pranë njësive në varësi të Aktifbank, UPT Ödeme Hizmetleri A.Ş. dhe Sigortayeri Sigorta ve Reasürans Brokerlik A.Ş.