Në bashkëpunim me Qendrën Kombëtare të Transfuzionit të Gjakut, BKT Kosova vazhdon me iniciativën e dhurimit të gjakut, që tashmë është bërë traditë disavjeçare e bankës. Niveli i lartë i pjesëmarrjes së punonjësve të bankës në aktivitetin e dhurimit të gjakut dhe gatishmëria e tyre për të kontribuuar për shëndetin e të tjerëve, dëshmon se fokusi ynë është krijimi i një ndikimi pozitiv në shoqëri. “Gjaku juaj shpëton jetë” është pjesë e programit të përgjegjësisë sociale të bankës, bazuar në parimin “Kontribuoni në shoqëri”, i cili e adreson mbështetjen e BKT Kosovës për aktivitete të bamirësisë.