Sot me 22 Maj 2022 është mbajtur ndeshja e finalës së BKT Superligës, në mes të FC Ballkanit dhe Gjilanit. FC Ballkani e siguroi titullin e kampionit katër javë para përfundimit të edicionit, që është titulli i parë në histori të klubit.

Trofeun e fitorës, FK Ballkanit ia ndau Z. Suat Bakkal, Drejtor Gjeneral i BKT Kosova së bashku me kryetarin e Federatës së Futbollit Z. Agim Ademi dhe Kryetarin e Komunes së Therandës Z. Bali Muharremaj.

Me këtë rast Z. Suat Bakal  e ka përgëzuar FC Ballkanin për kurorëzimin me titull të kampionit për edicionin 2021/22 në BKT Superligën e Kosovës. “Me kënaqësi të madhe e uroj FC Ballkanin për fitorën dhe marrjen e titullit të kampionit për sezonin 2021/22 të BKT Superligës. Ky titull nuk do të mund të arrihej pa punën e palodhur dhe përkushtimin e gjithë ekipit, dhe mbështetjen e qytetarëve të Therandës, andaj i gjithë klubi dhe e gjithë Komuna e Therandës duhet të jenë krenarë. Nuk ka dyshim që Kosova është vend i cili e do shumë sportin, e në veçanti futbollin. Andaj ne besojmë fuqishëm që përmes këtij sporti dhe mbështetjeve financiare si kjo e BKT Kosovës do të ndihmoj në promovimin e mëtutjeshëm të vendit dhe vlerave të shtetit të Kosovës, shtoi z. Suat Bakkal”.

BKT Kosova ka përkrahur ndër vite shumë projekte sportive, duke kontribuuar në zhvillimin e sportit në Kosovë. Në vitin 2021, banka e ka zgjeruar sponsorizimin e saj në këtë fushë duke kontribuuar drejtpërdrejt në futbollin e Kosovës duke mbështetur finaciarisht Superligën e Kosovës për sezonin 2021/22, me ç’rast kjo ligë ka marrë edhe emrin BKT Superliga.

Përmes këtij partneriteti, Banka është e përkushtuar të kontribuojë edhe më tej në zhvillimin dhe promovimin e këtij sporti në Kosovë në nivelin më të lartë, veçanërisht pas implementimit të VAR-it, ku Kosova është bërë vendi i parë në rajon që e zbaton atë.

Na Kontakto

+383 38 666 666

Video Libraria

video-icon

Shkarko BKT Mobile

Shkarkoni aplikacionin tonë mobil në dy platformat

ios android